Астана қаласы әкімдігінің Фтизиопульмонология орталығының балалар бөлімшесінде туберкулез ауруынан ем алып жатқан балаларға арналған жаңа жылдық шырша мерекесі өтті. Іс-шараға бөлімшенің педагогтары мен қызметкерлері қатысып, балалармен бірге келе жатқан Жаңа жылдың қуанышын бөлісті.
Балалар үшін мейірім мен ғажайыпқа толы мазмұнды мерекелік бағдарлама ұйымдастырылды. Сиқырлы ертегі кейіпкерлері-аниматорлар, сондай-ақ Жаңа жылдың басты кейіпкерлері — Аяз ата мен Ақшақар балаларға көтеріңкі көңіл күй, жарқын эмоциялар мен қуаныш сыйлады. Мереке барысында балалар түрлі ойындар мен сайыстарға қатысып, өлеңдер оқып, жаңа жылдық әндер орындады.
Бұл мереке балаларға ерекше қуаныш сыйлап, оларға қамқорлық пен назардың белгісін сезіндірді. Іс-шара Астана қаласындағы Фтизиопульмонология орталығы әкімшілігі тарапынан жаңа жылдық сыйлықтарды табыстаумен аяқталды.
