2025 жылғы 29 сәуір онлайн-форматта Қазақстан Республикасында туберкулезге қарсы ұлттық бағдарламаны іске асыру мәселелері бойынша 2025 жылғы 3 айда республикалық кеңес өтті. Негізгі баяндамамен ҚР Ұлттық фтизиопульмонология ғылыми орталығының директоры М.М. Аденов сөз сөйлеп, ағымдағы эпидемиологиялық жағдайға егжей-тегжейлі талдау жасады.
Кеңес барысында Бағдарламаны іске асыру қорытындылары, сондай-ақ негізгі эпидемиологиялық көрсеткіштердің: жалпы сырқаттанушылықтың, туберкулездің таралуының, балалар арасында туберкулезбен сырқаттанушылықтың, туберкулезден болатын өлім-жітімнің өсу себептері талқыланды және қорытындыланды.
Талқылау қорытындысы бойынша ведомствоаралық өзара іс-қимылды күшейту, ерте диагностиканы жақсарту және профилактикалық іс-шаралардың тиімділігін арттыру, әсіресе туберкулез ошақтарында ұсынымдар берілді.
