АСТАНА ҚАЛАСЫ ӘКІМДІГІНІҢ ШЖҚ МКК "ФТИЗИОПУЛЬМОНОЛОГИЯ ОРТАЛЫҒЫНДА" СЫБАЙЛАС ЖЕМҚОРЛЫҚҚА ҚАРСЫ МӘДЕНИЕТТІ ҚАЛЫПТАСТЫРУ МӘСЕЛЕЛЕРІ БОЙЫНША СЕМИНАР САБАҒЫ ӨТКІЗІЛДІ

Бүгін 24.05.2023 ж.Астана қаласы әкімдігінің ШЖҚ МКК "Фтизиопульмонология орталығында Астана қаласы бойынша Қазақстан Республикасының сыбайлас жемқорлыққа қарсы іс-әрекет агенттігінің департаментінің аса маңызды істер жөніндегі офицері Кенебаева Алмагүл Еркінқызы баяндама жасап, құқық түсіндіру жұмысының сапасын арттырудың, сыбайлас жемқорлыққа қарсы түбегейлі күрес үшін халықтың құқықтық сауатсыздығын жоюдың маңыздылығын атап өтті. Ол сыбайлас жемқорлық және  құқық бұзушылық жасаған әрбір адамға қатаң жаза қолдану туралы хабарланғанын айтты.

Сыбайлас жемқорлыққа қарсы іс-әрекеттің мақсаты қоғамдағы сыбайлас жемқорлықты жою болып табылады.

Баяндама соңында орталық директоры Цепке Анна Борисовна әрбір қызметкер сыбайлас жемқорлық әрекеттеріне қарсы тұруға, сыбайлас жемқорлық көріністеріне немқұрайлы қарамауға міндетті екенін атап өтті.